قصة شاب
القلب قصة والعين أي تملات بدموعي في ربيع شبابي وعمري
اليوم أي طفات شموعي وروح عليلة
مسكينة تشكي ربي مباها مريضة مسكينة وملقاتش دواها
والفكر هايم ضايع مخدوع فكري
ولا يعوم في بحر مليان بدموع حكايتي
قصة نحكها ونخبي وجايعي في ظلوعي
الا توجعت داخل ما حتى حد يشوف دموعي
حكايتي قصة بدات مع أعظم مرا في دنيا
شحا ل عنات شحال قصات وشحال سهرت علية
البو من صغري مشى وخلاني
تفكرات الموت وامي قعدت تجري تجيب لصغارها في القوت
ألوغ حكم ربي ماني معارض عليه
ما نسأل رد القضاء ما نسأل اللطف فيه
ياربي يا عالي اني خايف في كبري نتوه
عندك عايش طفل صغير محروم من بوه .....
حامد ربي الي بلاني حامد المولا صبحانو
علو من لي عطاني
ربي كي يحرم فازي يعوضك بحاجا اوخرا
حتى لو كان مش في دنيا
باز في دنيا لوخرا
يكذب الي يقول يتيم البو ماهوش يتيم
ما شافنيش ساهر للوحدة ماشافنيش ساهر في الليل
مهما تقول غياب البو ديما يبقى صعيب وانا مهما بكيت عليه دموعي معاد طفيت.....................
قداش من مرة حبيت نفرح ونفرهد امي
نعيش مرتاح البال وننسى همي
نحلم نعيش لباس مستور ورضي علي امي
نجيبلها الي تحب حتى لوكان نبيع من دمي ...
اما متلمنيش صاحبي تعرف دنيا وصعبها
ما يعيش كن الي عندو لكعب ولي نجم لعبها
امي تمنات تسكن في دار داير بيها جنينة
تمنات تمشي للحج تشوف الكعبة والمدينة
ظنت ولدها كي يكبر يحققلها حلامها
ظنت ولدها يولي دكتور وي نساها الامها
واني ظالي كبرت اما على واقع مر
كبرت في دنيا قلوب ناس فيها اكسح من الحجر
هاك تشوف صاحبي في بلادي ايش هي القانون
ما يعيش في دنيا كان الي عندو مال قارون
في شارع لعباد متشوفش قلبك اشنية مخبي
ميهمهمش مدام جيبك ديما معبي
ايش عندك في جيبك تسوى رجال اليوم تتقاس بالعد جيبك مليان
تعيش لكان نقص نارك يهبط في غمضت عين ليا مجرات والعمر تسرق من تخمام وتفكير
صاحبي القلب تحرق كيفاش باش نعمل مدام ملقيتش الحل مدام الوقت يجري
معندي شي للمستقبل الحل كيتي لبلاد ونمشي لبلاد بعيدة
نجرب صهري غادي ونبدا في حيات جديدة .......
وحرقت ورسكيت وبدعا امي اني وصلت
حيات جديدة بدات وهاني اول خطوة عملت ...
بكري كي كنت صغير كنت نقول سي لوروب جنت شباب
واليوم اني جيت وتشوكيت
أول يوم فيه جيت اول درس فيه خذيت ...
درسي الي خذيتو ما نعطي ثيقة في حد
خطاك الغربة كي طيح بيك ما تلقا حتى حد
المهم بديت الخدمة غادي
بدات المأساة
في بالي باش نخدم نشري دار وفيلات
اما ولد رومي كلالي حقي جاب علية ركاز عامين اخرين
نعود نمشي بالعكاز زدت حطيت في قلبي وعضيت عليه
حالف ما نروح كان ما نعمل الي وعدت امي بيه
يوم ورا يوم والغربا ماشية تصعاب وتقسى من الغربا
شربت الوسكيسات فماش ما ننسى
ننسى عمري الي ضاع عدا من الي هبل وطاح
وننسى ناس الغربا ونور حياتي الي كل مايطيح ظلام الليل نجبد ستيلو ورقة
نكتب جوابي لأمي وعلى لبيرو بسوايع
نبقى أول ما نكتب في جوابي نبعث سلامي
ونقول لأأمي راني لباس ونطمنها بكلامي
نكتب نكتب ونحكي
ونحاول نهناها علية ونقوللها راني لباس
بلكي دعات لية ياربي صبرني وصبر ميمتي
وعلاها ما تحيرني
جوابي كتبتلها فيه
يامي ميكون لياس
نمشي للغربة نتوفى ونرجعلك مرفوع الراس
نرجعلك يامي ونترمى في حضنك ونرجع ونجيب الي ستنيتو طول عمرك
راجع نشريلك كل شي حبيت عليه
واي نهار عديت وحدك باش نعوضك فيه
راجع باش نعيش بقدري بين الي حقروني
راجع وندم الي في صغري بكوني
رجعلك يامي ومعاد يوم نبعد عليك
قداه توحشت ريحة شعرك وغزرت عينيك
نتوحش يامي ضمة من صدرك الحنين
ظمة تنسيلي جروحي وتمسح دموع العين
راجعلك يامي
لا تقولي ولدك خلاك
غدوا بعد طلوع الفجر استناني في شباك
