قصيدة بقلم احد الشعآر

نص قديم اتمنى ان يرقى الا ذوائقكم ..

طال الغياب اللي بلا عذر واسباب
بالله قولي ايش سبة غيابك

إن كان في غيبتك بتبين عتاب
هذا خبال ان كان هذا عتابك

مليون عذر بوسط راسي ولا جاب
عذرٍ نسامح فيه حضرة جنابك

نهيت قلبي عنك عيا ولا تاب
تايه وهو يلهث يطرد سرابك

لين ارتكت له نظرة الهم باعجاب
وقالت كفاحك لو يطول غدا بك

قلت انه ارتاب / واثريه مارتاب
وحبال شوقه وسط وسطه تشابك

وردد يقول انا اليوم ماهاب
لو إن موتي قال لي ياهلا بك

واقول له .. كابرت .. ويقول كذاب
واقول له .. مجروح والهم صابك

ياقلبي اللي كل ماوقتنا طاب
وهمومك الغبرا تموت تحيا بك

دموعي اللي حايرهـ بين الاهداب
ماودها تنزل على اللي جرا بك

ولا تبخلون بالردود